Orð dagsins - feðraorlof - frábær reynsla

Feðraorlof er hin mesta snilld! Ég varð þeirrar ánægju aðnjótandi 1. ágúst s.l. að verða pabbi, reyndar ekki í fyrsta sinn, samtals eigum við hjónin nú 6 stráka. En ég er nú að taka feðraorlof í fyrsta sinn. Ég held að nú séu liðin 7 ár síðan feður gátu farið að taka orlof. Þvílíkt gæfuspor! Við feðgarnir, ég og Ýmir, erum búnir að vera heima í mánuð og eigum enn tvo eftir. Þetta er búið að vera mikil lífsreynsla og mjög gaman. Ég hafði hlakkað mikið til þessa tíma og var spenntur að sjá hvernig gengi. So far sooooooo goooood. Já þetta er ótrúlega gaman. Ég hreinlega trúi því ekki að nokkrir feður sleppi þessu einstæða tækifæri til að vera með barni sínu eða börnum! Ekki það að svífum á skýi og skemmtum okkur allan daginn. Nei það er svo sannarlega nóg að gera en þetta er bara svo gaman. Ég hélt reyndar að ég hefði kannski örlítið meiri tíma í ýmislegt, t.d. bloggið mitt, en eins og sést á bloggleysinu undanfarið þá var það hin mesta firra! Margir hafa eflaust einhverjar áhyggjur af starfinu sínu meðan þeir eru í orlofi, við kennarar hugsum t.d. um það hvort nemendur okkar séu í nógu góðum höndum. Ég er svo heppin að vita af mínum nemendum í betri höndum en mínum ef e-ð er þar sem betri helmingurinn af mér sinnir þeim!

Athugasemdir

[Salný (IP-tala skráð) 22.4.2008 kl. 13:06]

já það er gott að menn (=karlmenn) kunni gott að meta. Segi það nú bara með þér Eysteinn að fæðingarorlof er frábært, einhver besti tími sem ég hef lifað síðustu ár.... Hafið það gott áfram.kkv.

[SigrúnSveitó, 22.4.2008 kl. 13:32]

Gaman að heyra að allt gengur vel og þú að njóta þess að vera heima.

Knús í kotið ykkar

[Hulda Elma Guðmundsdóttir, 23.4.2008 kl. 11:52]

Þú ert svo sannarlega í réttu fríi. Gangi þér vel.