Maður mánaðarins - Hálfdan Haraldsson

Það er ekkert hálfkák á hlutunum þegar Hálfdan tekur sig til og hann er heldur ekki Dani! Í dag verður efnt til útgáfuhátíðar í Egilsbúð í tilefni af útgáfu Norðfjarðarbókar sem Hálfdan hefur skrá og safnað efni í.

Í Norðfjarðarbók eru birtar þjóðsögur, sagnir og örnefnaskrár úr austustu byggð landsins: Norðfjarðarhreppi hinum forna ( Norðfjörður, Hellisfjörður, Viðfjörður, Sandvík og Suðurbæir ). Bókin er skyldueign allra Norðfirðinga og þeirra sem áhuga hafa á þjóðsögum. Í bókinni er einnig mikill fjöldi fallegra litmynda. Frábær bók í alla staði og mikið stórvirki.

Hálfdan er frá Þorvaldsstöðum á Langanesströnd en flutti til norðfjarðar árið 1952 og gerðist skólastjóri á Kirkjumel í Norðfjarðarsveit. Þar var hann skólastjóri allt til ársins 1995.

Fyrst kynntist ég Hálfdani í gegnum vinnuna en eftir að að ég kvæntist Lilju, sem kenndi einn vetur hjá kappanum, höfum við einstöku sinnum kíkt í heimsókn til þeirra heiðurshjóna á Kirkjumel, Hálfdanar og Beggu. Þar kemur maður sko aldrei að tómum kofanum! Miklir öðlingar heim að sækja.

Athugasemdir

[SigrúnSveitó, 7.6.2008 kl. 13:18]

Hálfdan á sannarlega þann heiður skilið að vera kjörinn maður mánaðarins.

Mikið vildi ég vera með ykkur öllum í firðinum fagra í dag og fagna Hálfdani og Beggu, og vera á skólamóti í kvella...ooooohhh...ég verð þarna í huganum!

Minntu elskulega konuna þína á að hún ætlaði að versla bók fyrir mig...og fá áritun!!

Kyss og knús...

[Gísli Gíslason, 12.6.2008 kl. 08:56]

Gott framtak og já verðug eign fyrir alla Norðfirðinga.