Færsluflokkur: Dægurmál

KFF - ÍA 4-2 myndir

Það er vel við hæfi að byrja bloggið á frábærum sigri KFF manna í gær, uppstigningardag. Mér finnst reyndar óþarfi að eyða mörgum orðum á leikinn, úrslitin segja sína sögu. Liðið stóð sig frábærlega og leikskipulag þeirra Heimis og Palla gekk fullkomlega upp. Í myndaalbúminu eru myndir og látum þær bara tala sínu máli. http://eysteinn-thor.blog.is/album/kff__a_42/

 

IMG 4812 (Large)


Orð dagsins - Japan ここに私は来る

„Ðis is ðe jappanííís embassy“ sagði mjóróma kvenrödd í gemsanum mínum um daginn.  Ég horfði undarlegum augum á símann. „Hvað er nú þetta“.  Þögnin var að verða vandræðaleg og röddin hinu megin ætlaði greinilega að fara að segja. Þá rann upp fyrir mér ljós! “ Aaaaa. The Japanese Embassy“. „Yes“, var svarað hinum megin á línunni. „My name is Takaámóti“.  „I´m calling you about the school study program in Japan“. Aftur varð ég hljóður í smá stund, Takaámóti það getur enginn heitið því nafni.  En okkur tókst þó að halda samtalinu áfram, á ensku. „Geturðu komið í viðtal á morgun“.  Ég útskýrði fyrir stúlkunni ( já Takaámóti er stúlka ) að ég ætti heima hinum megin á landinu. Þegar hún hafði spurt um fjarlægð og ég svarað „um 800 km“. „Hvað ertu þá lengi að keyra“?!! Woundering En hvaða símtal er þetta og af hverju er ég að blaðra um það hér.Forsaga símtalsins er sú að nýlega auglýstu japönsk stjórnvöld þrjá styrki til námsheimsókna til Japans þar sem markmiðið er að kynnast menntakerfi, menningu og þjóðfélagsmálum. Styrkirnir eru ætlaðir framhaldsskólakennurum og kennurum í 8. - 10. bekk grunnskólans. Heimsóknin mun standa í 14 daga og er gert ráð fyrir rúmlega 200 þátttakendum frá tæplega 60 löndum. Jæja ég sótti um – flaug til Reykjavíkur 09:30 - fór í viðtal í japanska sendiráðið klukkan 12:00, viðtalið tók um 25 mínútur  þar sem sendiherrann, Takaámóti og önnur kona tóku við mig viðtal – tók svo 16:00 vélina heim aftur – kíkti í tölvupóstinn um kvöldið og.................... Japan ここに私は来る eða bara Japan hér kem ég! Þá er bara að hefja japönsku tímana: Halló – Konnichiwa. ichi – ni – san – shi – go eða 1 – 2- 3 - 4 – 5 By the way, stúlkan heitir reyndar ekki Takámóti, sá í tölvupóstinum að nafnið er Tamoko Smile    Sayonara

FBI´s Most Wanted :-)

Eins og kemur fram á síðunni www.1964.is leitar árgangur 1964 leitar nú logandi ljósi af einum félaga sinna. Fyrirhugað fermingarbarnamót í sumar er í hættu finnist viðkomandi ekki. Höfum við nú fengið FBI í lið með okkurLoL

banner smellið á myndina! Grin


Maður mánaðarins ( KK ) og dagurinn í dag, 30. apríl + www.1964.is

Í dag, 30. apríl, er 30 ár frá því að ég fermdist! Já ég endurtek 30 ár! Ég veit ég lít ekki út fyrir að vera deginum eldri en tuttuguog...... en svona bara er þettaGrin. Til hamingju allir úr árgangi 1964! Þessara merku tímamóta verður minnst með frábæru fermingarbarnamóti um sjómannadagshelgina n.k. Og þá er komið að því að kynna mann aprílmánaðar en það er að sjálfsögðu félagi KK frá Sjónarhóli ( Kristján Jónsson Kristjánsson ). Það er margt hægt að segja um kappann en ég ætla að láta eitt duga. Hann er uppspretta óþrjótandi hugmynda! ( læt vera að segja hvað verður um þær allar LoL ) Nýjasta afurð KK er vefurinn www.1964.is frábær hugmynd sem ég vona svo sannarlega að slái í gegn og Kiddi geti selt. Þetta er vefur árgangs 1964 hér í Neskaupstað, samanstendur hann af rúmlega 50 sjálfstæðum heimasíðum hvers og eins okkar úr árganginum. En sjón er sögu ríkari, endilega skoðið síðuna og gefið mér komment á hvað ykkur finnst. KK - maður apríl mánaðar.

Meðfylgjandi mynd er af hluta þessa frábæra árgangs, þeir sem fermdust fyrir hádegi.

64_argangur_fermdur_1978

Orð dagins - nafnið Draupnir

Gísli félagi minn Gíslason ( http://gisligislason.blog.is/blog/gisligislason/ ) skrifaði nýlega um sjaldgæf nöfn. Síðan þegar vinur okkar hann Draupnir Rúnar brilleraði bætti Gísli við færslu þar sem fram kemur að  pabbi Draupnis hafi verið fyrstur Íslendinga til að bera nafnið! En hvaðan kemur nafnið og hvað merkir það.

Draupnir þýðir "sá sem af drýpur". Draupnir er ( eða var ) gylltur hringur Óðins í norrænni goðafræði. Hringur þessi var þannig í gerðinni að níunda hverja nótt drupu af honum átta aðrir gullhringir. Aðrir einkennisgripir Óðins eru atgeirinn Gugnir, hrafnarnir tveir Huginn og Muninn og hinn áttfætti hestur Sleipnir.

Orð dagsins - feðraorlof - frábær reynsla

Feðraorlof er hin mesta snilld! Ég varð þeirrar ánægju aðnjótandi 1. ágúst s.l. að verða pabbi, reyndar ekki í fyrsta sinn, samtals eigum við hjónin nú 6 stráka. En ég er nú að taka feðraorlof í fyrsta sinn. Ég held að nú séu liðin 7 ár síðan feður gátu farið að taka orlof. Þvílíkt gæfuspor! Við feðgarnir, ég og Ýmir, erum búnir að vera heima í mánuð og eigum enn tvo eftir. Þetta er búið að vera mikil lífsreynsla og mjög gaman. Ég hafði hlakkað mikið til þessa tíma og var spenntur að sjá hvernig gengi. So far sooooooo goooood. Já þetta er ótrúlega gaman. Ég hreinlega trúi því ekki að nokkrir feður sleppi þessu einstæða tækifæri til að vera með barni sínu eða börnum! Ekki það að svífum á skýi og skemmtum okkur allan daginn. Nei það er svo sannarlega nóg að gera en þetta er bara svo gaman. Ég hélt reyndar að ég hefði kannski örlítið meiri tíma í ýmislegt, t.d. bloggið mitt, en eins og sést á bloggleysinu undanfarið þá var það hin mesta firra! Margir hafa eflaust einhverjar áhyggjur af starfinu sínu meðan þeir eru í orlofi, við kennarar hugsum t.d. um það hvort nemendur okkar séu í nógu góðum höndum. Ég er svo heppin að vita af mínum nemendum í betri höndum en mínum ef e-ð er þar sem betri helmingurinn af mér sinnir þeim! Smile


Virk hlustun!

Er þetta ekki það sama! Þ.e. veita viðmælandanum tilhlýðilega athygli. 

Þessu "stal" ég frá kennsluaðferðameistaranum Ingvari Sigurgeirssyni ( http://starfsfolk.khi.is/ingvar/namskeid/Grunnskolinn/fasogframkomahandrit.htm ), ( Úr Litróf kennsluaðferðanna

Virk hlustun

Eitt af því sem allir kennarar verða að tileinka sér er það sem kallað hefur verið virk hlustun (active listening). Virka hlustun má gefa til kynna með margvíslegum hætti. Í fyrsta lagi að sýna með látæði að verið sé að veita því athygli sem aðrir segja, t.d. með svipbrigðum, með því að horfa með athygli á þann sem talar eða með því að kinka kolli. Virka hlustun má einnig sýna með því að bregðast við því sem sagt er, byggja á því eða leggja út af því. Smáatriði, eins og að taka sér í munn nafn þess sem lagði eitthvað af mörkum, getur einnig skipt máli. Að umorða það sem nemandi hefur sagt og spyrja hvort þetta sé skilið er einnig aðferð til að gefa til kynna að því hafi verið veitt athygli sem sagt var. Virka hlustun má einnig sýna með því að biðja aðra að bregðast við því sem nemandinn hafði fram að færa.

Virk hlustun er mikilvæg bæði til þess að sýna nemendum að framlag þeirra sé mikils virði, sem væntanlega hvetur þá til dáða, sem og vegna þess að þess er að í þessu efni er kennarinn nemendum mikilvæg fyrirmynd. Aldrei verður nógu oft hamrað á því hve mikilvægt er að kenna nemendum að hlusta á aðra og taka tillit til þeirra.


mbl.is ADHD: Hjartanærandi aðferðir gefast vel
Tilkynna um óviðeigandi tengingu við frétt

Brandari þetta víti.

Var að sjá vítaspyrnudóminn aftur. Hvernig í ósköpunum gat maðurinn dæmt víti á þetta!!!!!!!!
mbl.is Wenger: Allar stórar ákvarðanir dómaranna voru gegn okkur
Tilkynna um óviðeigandi tengingu við frétt

Orð dagsins - EF

Já við Nallarar  verðum enn einu sinni á leiktíðinni að bíta í súra eplið.  Oft segjum við ef þetta........ og ef hitt...... Það á kannski vel við okkur Arsenal menn að segja nú ef....... Oft er sagt að mistök dómara jafni sig út yfir heilt tímabil. Ég held samt að við Nallarar hljótum að efast allavega um s.l. sex vikur en ansi margt hefur unnið gegn okkur á því tímabili. Þá kemur að þessu EF:

Í leiknum gegn Birmingham er Eduardo fótbrotnaði - vítaspyrna dæmd á Arsenal að venjulegum leiktíma loknum, var ekki víti - niðurstaðan 2 töpuð stig ( jafntefli í stað sigurs )

Í leiknum gegn Middlesboro - löglegt mark tekið af Arsenal, Boro menn skora ólöglegt mark - niðurstaðan jafntefli - 2 töpuð stig

Leikurinn gegn Chelsea - við töpuðum, Drogba jafnar með ólöglegu marki ef....... - niðurstaðan 3 stig töpuð??

Meistardeildarleikurinn gegn Liverpool á Emirates - dómarinn sleppti á einhvern óútskýranlegan hátt augljósri vítaspyrnu - niðurstaðan jafntefli í stað?? kannski sigurs, eftir hefði verið að skora úr vítinu!

Deildarleikurinn gegn Liverpool - áttum við að fá víti er Lucas togaði Fabregas niður?  Niðurstaðan jafntefli í stað ?? Fannst við reyndar ekki eiga neitt meira skilið en eitt stig.

Seinni meistaradeildarleikurinn gegn Liverpool - Púllarar fá víti í lokin, var það víti? Efþað var víti geta menn verið sammála því að við áttum að fá víti í hinum tveimur leikjunum gegn Liverpool.

Þannig að EF hlutirnir hefðu fallið aðeins betur með okkur undanfarið væri kannski staðan önnur - enn á toppi deildarinnar og kannski í undanúrslitum meistaradeildarinnar.

EF - EF - EF - EF - EF - EF - EF - EF - EF - EF - EF - EF - EF - EF - EF - 


mbl.is Liverpool og Chelsea sigruðu og mætast í undanúrslitum
Tilkynna um óviðeigandi tengingu við frétt

Orðið - Þróttur

Þróttur er orð dagsins í dag. Þróttur þýðir m.a. afl, kraftur, dugur, þrek og hreysti. Þróttur er líka eitt af nöfnum æðsta goðsins Óðins. En Þróttur er líka uppáhalds íþróttafélagið mitt. Íþróttafélagið Þróttur var stofnað 1923 og erum við því 85 ára í ár! Í myndaalbúmin er nú komi albúm með nokkrum myndum sem tengjast Þrótti.

Næsta síða »

Höfundur

Eysteinn Þór Kristinsson
Eysteinn Þór Kristinsson
Hef skoðanir á öllu og þykist vita allt betur en aðrir
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 3
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband