Eysteinn san í Japan

Reyndar er það Eysteinn sensei, því hér í Nippon eru kennarar ofarlega í virðingastiganum og því bæta Japanir orðinu sensei fyrir aftan nöfn okkar. Já dagskrá heimsóknarinnar til Japan hófst formlega í dag. Við erum 77 í mínum hópi og frá 25 löndum. Í rútuferð í dag sat ég t.d. hjá aðstoðarskólastjóra frá Eþíópíu. Í skólanum hans eru rúmlega 5000 nemendur! Bekkjardeildirnar eru líka örlítið fjölmennari en hjá okkur eða á bilinu 52 - 64! Síðan sat ég frá kollega frá Uzbekistan og Kazakstan á fyrirlestrinum í dag, svo eru þarna m.a. kennarar frá Úganda, Íran, El Salvador, Sri Lanka, Sameinuðu Arabísku Furstadæmunum, Tonga, Austurríki, Írlandi ofl. o.fl. á morgun förum við til Hiroshima, verðum þar í eina nótt, síðan tvær nætur í Kyoto, þá verður hópnum skipt upp og ég verð 5 daga í Ogaki-Gifu. Í síðasttöldu borginni heimsæki ég skóla og gisti m.a. inn á japönsku heimili í tvær nætur. Fór í tveggja klukkustunda japönsku kennslu í dag - svaka fjör.

Sayoonara

Athugasemdir

[Hrafnhildur Þórarinsdóttir, 20.6.2008 kl. 20:59]

Uss .. Þetta hljómar stór hættulegt allt saman

En hafðu það nú samt sem allra best þarna í útlandinu og ég bið kærlega að heilsa Vao Voo vini mínum, hann er dökkhærður og frekar lítill **

[Eysteinn Þór Kristinsson, 20.6.2008 kl. 22:41]

Kannski svolítið skáeygður líka......? Skila kveðjunni.

[Hulda Elma Guðmundsdóttir, 22.6.2008 kl. 10:41]

Flottur Eysteinn Þór sensei. Gaman að lesa skrifa þeirra sem maður þekkir, frá svona fjarlægum slóðum. Gangi þér áfram vel vinur.