Ljóð

Í íslenskunni ætla ég að hafa ljóð í dag. Ég rakst á þetta ljóð um daginn og það heillaði mig strax. Myndrænt og fallegt. Ljóðið er eftir austfirðinginn Kristján frá Djúpalæk. Kristján var mágur Halfdánar á Kirkjumel, sem sagt bróðir Beggu . ( Kristján var fæddur að Djúpalæk í Skeggjastaðahreppi í Norður-Múlasýslu. Þetta landssvæði er austan Langaness og kallast Langanesströnd eða bara Ströndin af heimafólki og er við Bakkaflóa. ) ( Tekið af wikipedia )

Lækurinn (Fljúgandi myrkur)

Lækurinn minn söngglaði

syngur ekki meir,

í sumar voru lög hans

svo unaðslega þýð.

Nú er kominn febrúar

með frost og rosatíð

og fleiri en læknum

döpur næturvaka.

Vetur hefur keflað hann með klaka

Athugasemdir

[SigrúnSveitó, 9.3.2008 kl. 11:52]

Fallegt ljóð.  Veturinn er yndislegur, en ég finn að þegar sólin er farin að hækka á lofti eins og núna, að þráin eftir vorinu kemur fram, amk. í mínu

Knús í 740 Paradís. 

[Björn Jóhann (IP-tala skráð) 11.3.2008 kl. 22:28]

Sælir Eysteinn. Mátti til með að lauma að þér að frændi minn sálugi, Jón Björnsson, tónskáld og kórstjóri frá Hafsteinsstöðum í Skagafirði, samdi lag við þetta ljóð Kristjáns, líklega hans síðasta lag sem hann samdi skömmu fyrir andlátið á haustdögum 1987. Nóturnar að laginu fundust nokkrum árum eftir andlát Jóns og var frumútgefið á plötunni Lögin hans Jóns, sem kom út árið 2003 í tilefni 100 ára árstíðar skáldsins. Sannarlega hans eigin útfararsálmur. Smá fróðleikur til handa íslenskukennaranum! Kv BJB

[Eysteinn Þór Kristinsson, 12.3.2008 kl. 19:09]

Sæll félagi Björn. Takk fyrir þetta. Þið Skagfirðingar klikkið ekki þegar að tónlistinni kemur.

[Björn Jóhann Björnsson, 15.3.2008 kl. 17:00]

Lítið að þakka Eysteinn, bara njóta. Nú mætumst "við" í meistaradeildinni og "þið" megið fara að rifja upp bænirnar... Leiðin til Moskvu verður greið, þið fáið að vinna deildarleikinn þarna á milli