Orð dagsins - vísnagáta

Vísnagátur eru skemmtilegar, allavega þegar maður veit svarið  

Pálmasunnudagur er á sunnudaginn ( síðasti sunnudagur fyrir Páska). Biblían segir okkur að á Pálmasunnudegi hafi Jesús haldið innreið sína í Jerúsalem.

Nú langar mig að leggja fyrir lesendur síðunnar gátu. Ráðningin tengist ofangreindum atburði, en við lausn gátunnar kemur sama orðið fyrir þrisvar sinnum. Eitt er falið í fyrsta orðinu, annað í afgangi fyrstu línunnar og það þriðja í línum tvö og þrjú.

Hvaða orð er að finna í þrígang sem lausnarorð í eftirfarandi vísnagátu:

Drykkjargutl og grófast last um gáfna hagi.
Forðum daga varð á vegi,
víst á Pálmasunnudegi.

Hugmyndir að svörum setjist í athugasemdir. Lausnin birtist svo eftir nokkra daga.

Athugasemdir

[Jóhanna Magnúsar- og Völudóttir , 12.3.2008 kl. 17:50]

Þar sem ég er guðfræðingur hlýt ég að vita eitthvað um þetta hehe..

Drykkjargutl = kokteill = asni

grófast last um gáfna hagi = þú ert algjör asni !

Forðum daga varð á vegi víst á Pálmasunnudegi = Jesús reið á asna

[Eysteinn Þór Kristinsson, 12.3.2008 kl. 19:06]

Mát í 1. leik Vel gert Jóhanna Magnúsar og Völudóttir ( http://jogamagg.blog.is/blog/jogamagg/ ). Hún kom með rétta svarið en ég tók mér það bessaleyfi að fela athugasemdina þangað til á morgun og vonast eftir fleiri tillögum.

[SigrúnSveitó, 13.3.2008 kl. 19:05]

Jamm, ég hefði ALDREI getað þetta.  Beið þess vegna róleg eftir að sjá svar Jóhönnu.

Alltaf að læra eitthvað nýtt.  Takk!