Orð dagsins í dag - Ýmir

Í dag er 1. apríl og yngsti sonurinn er 8 mánaða gamall. Já tíminn líður hratt ( á gervihnattaöld..... ), ótrúlega gaman að verða pabbi aftur svona á gam... meina þessum aldri. En orðið já - Ýmir, hver var það og hvaðan er nafnið komið. Ýmir var jötunn í norrænu goðafræðinni ( einnig nefndur Aurgelmir ), fyrsti jötuninn og frá honum eru allir jötnar komnir. Ýmir varð til þegar frost niflheims blandaðist eldum múspelsheims í ginnungagapi. Einnig varð kýrin Auðhumla til þegar þetta gerðist.  Eitt afkvæmi Ýmis eignaðist Bestlu Bölþórsdóttir. Hún eignaðist 3 afkvæmi með Bori, syni Búra, sonar Auðhumlu; Óðin, Vila og Vé. Óðinn, Vili og Vé ákváðu síðar að skapa heiminn. Tóku þeir þá Ými, drápu hann og gerðu úr honum heiminn þannig:

• Hold Ýmis varð að löndum.
• Blóð Ýmis varð að sjó og stöðuvötnum.
• Bein og tennur Ýmis urðu að fjöllum.
• Beinflísar Ýmis urðu að grjóti og urðum.
• Höfuðkúpa Ýmis varð að himninum.
• Augabrúnir Ýmis urðu að virkisvegg utan um Miðgarð.
• Heili Ýmis varð að skýjum.
• Hár Ýmis varð að skógi

Geðsleg lýsing!

En kappinn er kominn á fleygiferð og ekkert óhult eins og sést á myndinni.

Athugasemdir

[Hulda Elma Guðmundsdóttir, 1.4.2008 kl. 23:55]

Til hamingju með strákinn. Gaman að lesa þessar nafnaskýringar þínar.

[SigrúnSveitó, 2.4.2008 kl. 08:27]

Til hamingju með krúttímolann ykkar...okkar...ég á nú líka helling í honum sko...!

Knús á Nobbóinn okkar fallega

[Sigrún Júlia (IP-tala skráð) 2.4.2008 kl. 18:36]

Eins gott að það þurfti ekki að nota hár Eysteins til að mynda skóg .

[Eysteinn Þór Kristinsson, 2.4.2008 kl. 20:18]

Það var gert Sigrún. Hefurðu ekki heyrt um gróðurhúsaáhrifin og uppgræðslu skóga vegna mengunar!

[Ingibjörg Þórðar (IP-tala skráð) 4.4.2008 kl. 21:47]

Ó, ég hélt að Ýmir hefði orðið til þegar þú og Lilja ....

[Eysteinn Þór Kristinsson, 5.4.2008 kl. 06:32]