Eysteinn san í Japan

Reyndar er það Eysteinn sensei, því hér í Nippon eru kennarar ofarlega í virðingastiganum og því bæta Japanir orðinu sensei fyrir aftan nöfn okkar. Já dagskrá heimsóknarinnar til Japan hófst formlega í dag. Við erum 77 í mínum hópi og frá 25 löndum. Í rútuferð í dag sat ég t.d. hjá aðstoðarskólastjóra frá Eþíópíu. Í skólanum hans eru rúmlega 5000 nemendur! Bekkjardeildirnar eru líka örlítið fjölmennari en hjá okkur eða á bilinu 52 - 64! Síðan sat ég frá kollega frá Uzbekistan og Kazakstan á fyrirlestrinum í dag, svo eru þarna m.a. kennarar frá Úganda, Íran, El Salvador, Sri Lanka, Sameinuðu Arabísku Furstadæmunum, Tonga, Austurríki, Írlandi ofl. o.fl. á morgun förum við til Hiroshima, verðum þar í eina nótt, síðan tvær nætur í Kyoto, þá verður hópnum skipt upp og ég verð 5 daga í Ogaki-Gifu. Í síðasttöldu borginni heimsæki ég skóla og gisti m.a. inn á japönsku heimili í tvær nætur. Fór í tveggja klukkustunda japönsku kennslu í dag - svaka fjör.

Sayoonara

1964

Já það fer ekki á mili mála að árið 1964 er ár síðustu aldar! (sbr. www.1964.is) Þau Bryndís og Gísli hafa aðeins velt fyrir sér einkennum okkar. en hvað gerðist 1964 annað en að við fæddumst, sem að sjálfsögðu var aðalatriðið. Segja má að málshátturinn "Fall er fararheill" eigi vel við árið. Það byrjaði nefnilega ekkert gæfulega, strax föstudaginn þann 3. janúar fæddist Jón Einar frændi minn og ekki tók betra við hálfum mánuði síðar er félagi Bergvin fæddist (var allavega vinur minn áður en ég skrifaði þetta og ég get engu breytt um Jón Einar, hann verður alltaf frændi minn  ). En síðan kom hver snillingurinn á fætur öðrum og sérstaklega er tekið eftir því hvað síðustu mánuðir ársins voru góðir!  En vissuð þið að árið 1964

Var fyrsta íslenska konan valin íþróttamaður ársins á Íslandi

Martin Luther King fékk friðarverðlaun Nóbels

Bítlarnir voru að sjálfsögðu hljómsveit ársins og sungu m.a. "I wanna hold your hand"  ( http://youtube.com/watch?v=lfsvE4j4ExA&feature=related )

Bonanza var vinsælast sjóvarpsþátturinn í USA (við vorum ekki komin með TV ) http://youtube.com/watch?v=kA-PdP4k4Xw

Fyrstu eldflauginni var skotið á loft frá Íslandi, það voru Frakkar sem gerðu það.

Karíus og Baktus komu út á íslenskri plötu. Jens! Jens! "Ekki gera eins og mamma þín segir þér"!

Commrad (Félagi) Brjésnef komst til valda í Sovét

Auðvitað er endalaust hægt að halda áfram en endum á einni frétt fyrir Auðunn frænda minn. Mér finnst alltof lítið af færeysku hér á síðunni.

om driften af hvilehjemmet Naina.

    § 1. Til raksturin av hvíldarheiminum Naina í Tórshavn letur landskassin árligan studning við játtan á fíggjarlógini. Ber heimið seg ikki við hesum studningi og øðrum inntøkum, eitt nú studningum frá kommunum og gjald frá sjúkrakøssum, verður hallið í fyrsta umfari at leggja út úr landskassanum og síðani býtt út á kommunurnar í mun til dagarnar, íbúgvarnir í viðkomandi kommunum hava verið í heiminum. Hevur kommuna latið beinleiðis studning, verður hesin tó at mótrokna.

    § 2. Studningur landskassans verður goldin fyrst í hvørjum fjórðingsári. Eisini kann verða goldin annar neyðugur rakstrarpeningur úr landskassanum.

    § 3. Skjótast gjørligt aftan á rakstrarárið er endað, sendir heimið roknskapin til landsstýrið og saman við honum tær upplýsingar, landsstýri krevur.
    Stk. 2. Fíggjarætlan verður komandi rakstrarár send landsstýrinum innan 1. juli árið fyri.

    § 4. Vistgjøld á heiminum skulu verða góðkend av landsstýrinum.

    § 5. Henda lóg fær gildi 1. apríl 1964.

Orð dagsins - Japan ここに私は来る

„Ðis is ðe jappanííís embassy“ sagði mjóróma kvenrödd í gemsanum mínum um daginn.  Ég horfði undarlegum augum á símann. „Hvað er nú þetta“.  Þögnin var að verða vandræðaleg og röddin hinu megin ætlaði greinilega að fara að segja. Þá rann upp fyrir mér ljós! “ Aaaaa. The Japanese Embassy“. „Yes“, var svarað hinum megin á línunni. „My name is Takaámóti“.  „I´m calling you about the school study program in Japan“. Aftur varð ég hljóður í smá stund, Takaámóti það getur enginn heitið því nafni.  En okkur tókst þó að halda samtalinu áfram, á ensku. „Geturðu komið í viðtal á morgun“.  Ég útskýrði fyrir stúlkunni ( já Takaámóti er stúlka ) að ég ætti heima hinum megin á landinu. Þegar hún hafði spurt um fjarlægð og ég svarað „um 800 km“. „Hvað ertu þá lengi að keyra“?!!  En hvaða símtal er þetta og af hverju er ég að blaðra um það hér.Forsaga símtalsins er sú að nýlega auglýstu japönsk stjórnvöld þrjá styrki til námsheimsókna til Japans þar sem markmiðið er að kynnast menntakerfi, menningu og þjóðfélagsmálum. Styrkirnir eru ætlaðir framhaldsskólakennurum og kennurum í 8. - 10. bekk grunnskólans. Heimsóknin mun standa í 14 daga og er gert ráð fyrir rúmlega 200 þátttakendum frá tæplega 60 löndum. Jæja ég sótti um – flaug til Reykjavíkur 09:30 - fór í viðtal í japanska sendiráðið klukkan 12:00, viðtalið tók um 25 mínútur  þar sem sendiherrann, Takaámóti og önnur kona tóku við mig viðtal – tók svo 16:00 vélina heim aftur – kíkti í tölvupóstinn um kvöldið og.................... Japan ここに私は来る eða bara Japan hér kem ég! Þá er bara að hefja japönsku tímana: Halló – Konnichiwa. ichi – ni – san – shi – go eða 1 – 2- 3 - 4 – 5 By the way, stúlkan heitir reyndar ekki Takámóti, sá í tölvupóstinum að nafnið er Tamoko     Sayonara

FBI´s Most Wanted :-)

Eins og kemur fram á síðunni www.1964.is leitar árgangur 1964 leitar nú logandi ljósi af einum félaga sinna. Fyrirhugað fermingarbarnamót í sumar er í hættu finnist viðkomandi ekki. Höfum við nú fengið FBI í lið með okkur

 smellið á myndina!

Axel Ísaksson	Usama Bin Laden
Jason Derek Brown	James J. Bulger En Espanol En Francais
Emigdio Preciado Jr En Espanol	Robert William Fisher

Maður mánaðarins ( KK ) og dagurinn í dag, 30. apríl + www.1964.is

Í dag, 30. apríl, er 30 ár frá því að ég fermdist! Já ég endurtek 30 ár! Ég veit ég lít ekki út fyrir að vera deginum eldri en tuttuguog...... en svona bara er þetta. Til hamingju allir úr árgangi 1964! Þessara merku tímamóta verður minnst með frábæru fermingarbarnamóti um sjómannadagshelgina n.k. Og þá er komið að því að kynna mann aprílmánaðar en það er að sjálfsögðu félagi KK frá Sjónarhóli ( Kristján Jónsson Kristjánsson ). Það er margt hægt að segja um kappann en ég ætla að láta eitt duga. Hann er uppspretta óþrjótandi hugmynda! ( læt vera að segja hvað verður um þær allar  ) Nýjasta afurð KK er vefurinn www.1964.is frábær hugmynd sem ég vona svo sannarlega að slái í gegn og Kiddi geti selt. Þetta er vefur árgangs 1964 hér í Neskaupstað, samanstendur hann af rúmlega 50 sjálfstæðum heimasíðum hvers og eins okkar úr árganginum. En sjón er sögu ríkari, endilega skoðið síðuna og gefið mér komment á hvað ykkur finnst. KK - maður apríl mánaðar.

Meðfylgjandi mynd er af hluta þessa frábæra árgangs, þeir sem fermdust fyrir hádegi.

Orð dagins - nafnið Draupnir

Gísli félagi minn Gíslason ( http://gisligislason.blog.is/blog/gisligislason/ ) skrifaði nýlega um sjaldgæf nöfn. Síðan þegar vinur okkar hann Draupnir Rúnar brilleraði bætti Gísli við færslu þar sem fram kemur að  pabbi Draupnis hafi verið fyrstur Íslendinga til að bera nafnið! En hvaðan kemur nafnið og hvað merkir það.

Draupnir þýðir "sá sem af drýpur". Draupnir er ( eða var ) gylltur hringur Óðins í norrænni goðafræði. Hringur þessi var þannig í gerðinni að níunda hverja nótt drupu af honum átta aðrir gullhringir. Aðrir einkennisgripir Óðins eru atgeirinn Gugnir, hrafnarnir tveir Huginn og Muninn og hinn áttfætti hestur Sleipnir.

Orð dagsins - feðraorlof - frábær reynsla

Feðraorlof er hin mesta snilld! Ég varð þeirrar ánægju aðnjótandi 1. ágúst s.l. að verða pabbi, reyndar ekki í fyrsta sinn, samtals eigum við hjónin nú 6 stráka. En ég er nú að taka feðraorlof í fyrsta sinn. Ég held að nú séu liðin 7 ár síðan feður gátu farið að taka orlof. Þvílíkt gæfuspor! Við feðgarnir, ég og Ýmir, erum búnir að vera heima í mánuð og eigum enn tvo eftir. Þetta er búið að vera mikil lífsreynsla og mjög gaman. Ég hafði hlakkað mikið til þessa tíma og var spenntur að sjá hvernig gengi. So far sooooooo goooood. Já þetta er ótrúlega gaman. Ég hreinlega trúi því ekki að nokkrir feður sleppi þessu einstæða tækifæri til að vera með barni sínu eða börnum! Ekki það að svífum á skýi og skemmtum okkur allan daginn. Nei það er svo sannarlega nóg að gera en þetta er bara svo gaman. Ég hélt reyndar að ég hefði kannski örlítið meiri tíma í ýmislegt, t.d. bloggið mitt, en eins og sést á bloggleysinu undanfarið þá var það hin mesta firra! Margir hafa eflaust einhverjar áhyggjur af starfinu sínu meðan þeir eru í orlofi, við kennarar hugsum t.d. um það hvort nemendur okkar séu í nógu góðum höndum. Ég er svo heppin að vita af mínum nemendum í betri höndum en mínum ef e-ð er þar sem betri helmingurinn af mér sinnir þeim!

Draupnir Rúnar fer á kostum

Já það verður ekki af félaga Draupni Rúnari skafið. Hann er hreint út sagt frábær í þessu myndbandi. Það er svo sem ekkert sem kemur á óvart, Draupnir hefur alltaf verið stórskemmtilegur strákur.

http://www.69.is/openlink.php?id=121250

„Fyndnasta og skemmtilegasta Eurovision myndbandið "

Til hamingju

Frábær leikur stelpur,ekta úrslitaleikur! Til hamingju - Áfram Þróttur. Þið eruð

Þróttur í Neskaupstað Íslandsmeistari

Áfram Þróttur!!

Það er hvort sem er miklu skemmtilegra að verða Íslandsmeistari á heimavelli.  Koma svo stelpur!!

Reykjavíkur-Þróttur jafnaði metin